كيف تغير الـ Home Directory لحساب FTP بسيرفرك

السلام عليكم ورحمة الله وبركاته

هالتدوينه لأصحاب السيرفرات واللي يحبون يلعبون بال settings ويتعلمون حاجات جديدة بعالم إدارة السيرفرات اللي مازلت وسوف أظل داج فيه مهما سويت.

ملاحظة: إذا ماكنت تحب كثرة الكلام والهرج والمرج, إنزل تحت لين تحصل السطر الأحمر الكبير

كنت شغال على project صغيرون كذا علشان أسوي نسخ إحتياطي خارجي لعملائي بشكل آلي بدون ما أقعد كل مرة أدخل السيرفر وأطلب منه إنه ياخذ نسخة خارجية

كانت الخطة اللي فكرت فيها هي التالي:

يكون عندي أول شي سيرفر خارجي,

 هذا السيرفر الخارجي, يكون محمي بشكل خرافي وإسكندنافي بحيث مايكون فيه ولا أي باب مفتوح, بس يكون فيه دريشة (نافذة) وعليها قفل عجايز مع أعتى التقنيات الجديدة في الحماية كبصمة اليد والعين ورقم سري.

بالعربي مركب عليها بوابة خزنة بنك على الدريشة وفقط ادخل من الدريشة واطلع ,

المهم هذا السيرفر كنت أحتاجه يشبك FTP بالسيرفرات اللي عندي

ولما يدخل FTP يفتح له الروت دايركتوري أو عالأقل الباك اب دايركتوري /backup مثلا

طيب كيف أسوي كذا ؟

لازم أنشيء حساب بالسيرفر طبعاً , وأنا استخدم لوحة تحكم cPanel وطبيعي أول ما أنشئ حساب بإسم backupu مثلاً السي بنل راح يعطيه ال home directory بالشكل هذا

/home/backupu

طيب كيف نغير هالسالفة؟

بحثت صراحة كثير وحاولت أغير هالشغلة من ملف passwd لكن مامشي الحال اكتشفت كذا بالصدفة وعن طريق الخطأ جاني إلهام وقال لي ياموصاحي, ترا إنت قاعد تعدل بالمكان الخطأ ,, لازم تغير الهوم دايركتوري من إعدادات ال FTP

طبعاً أنا برنامج الإف تي بي على سيرفري هو pure-ftpd

حاولت وبحثت وقرأت, لقيت حاجات كثير وحلول معقدة وزحمة لكن عن طريق الصدفة طحت على هالموقع http://blog.raamdev.com/2006/09/20/howto-change-home-directory-for-a-virtual-ftp-user-on-a-server-running-pure-ftpd

ملاحظة: هذا هو السطر الكبير الأحمر حق اللي مايحبون الكلام الكثير

الحل ياجماعة الربع هو:

على الرغم من إني أستخدم pure-ftpd لكن الإعدادات اللي أبغاها راح تكون بمجلد /etc/proftpd

داخل هالمجلد فيه لكل يوزر ملف

سويت كذا:

pico /etc/proftpd/backupu

وحصلت السطر التالي backupu:$1$cwFeHbQ$7gQ5wDeCadq0d8aHs/:32024:32026::/home/backupu:/bin/ftpsh

زي مانتوا ملاحظين السطر هذا يشبه أسطر اليوزرات بملف /etc/passwd

بكل بساطة بدل

/home/backupu

بأي مجلد تحب إن الإف تي بي يفتح عليه من هاليوزر, أنا سويت كذا:

/backup

وسكرت الملف وحفظته وعملت رستارت لل pure-ftpd

service pure-ftpd restart

وتم العمل

لما أدخل إف تي بي راح يفتح لي مجلد /backup/ بالسيرفر

أتمنى هالتدوينة تنفع البعض وانا ادري إن أكثر اللي يسحبون رجولهم هنا مالهم بهالسوالف

سيو على خير

Mo9a7i

4 comments

  1. Mo9a7i · أغسطس 5, 2009

    أهلين أستاذ سعود
    شرفني مرورك

    والله مادري شلون أشرحلك لكن, تقدر تقول إني شخص أحب اجرب, ومع هالتجارب أحياناً لما أجرب شي جديد , يشدني إني أتعلمه أكثر وادور التفاصيل اللي قليل ناس يعرفون لها واحاول اتعلمها

    ممكن تكون لغتي الإنقليزية نفعتني كثير بهالمجال حيث إنه أي مشكلة تواجهني أبحث عنها بطويل العمر قوقل واحصل اجوبة كثيرة وناس طاحوا بنفس المشكلة اللي أنا فيها وهلم دواليك <<< هي تنقال كذا ؟ 😀 المهم سلمك الله, نصيحتي الأولى والأخيرة للي يبي يتعلم أي شي هي:قوقل!

  2. سعود · أغسطس 5, 2009

    أهللللللللللن..

    صرأإحة استفدت منك كثير بهذا المجاأإل..

    لكن عندي سؤال اذا ممكن..

    انت كشخص كيف تعلمت هذي الأشياء الي هي السيرفرأإت وكذا ..،

    اذا ماعليك امر ترد على على ايميلي:

    hsr-@hotmail.com

  3. Mo9a7i · أغسطس 5, 2009

    ماهي بعيدة عليك تنافسيني بهالشغلات
    ماينقصك اي شي, الموضوع إختيارك واتوقع ميولك ونيو لك حاجات ثانية 😉

  4. tota · أغسطس 5, 2009

    الللله وقسسم لحسسسه مخ
    ودي اعرف هالسوالف بس لسه علي ..شكلك تعرف كأن تخصصك حاسب
    ان ماستفدت انا يستفيد غيري ان شالله ..
    اشكرك عالفائده