Revo Uninstaller لمسح البرامج من وندوز

الكثير من مستخدمين وندوز واللي لهم خبرة أو يحبون تركيب البرامج ومسحها بشكل دوري يعانون من بعض المشاكل عند إزالة بعض البرامج , فيه بعضها يدبل التسبد ولا يطلع من الجهاز ,, يبقى بعض المدخلات بالريجستري Registry ويبقى بعض الملفات والمجلدات داخل ال program files ومجلد الـ system, بإختصار : بعضها نشبة
أداة تركيب ومسح البرامج من وندوز طبعاً هي العلة, ماتعرف تتعامل مع مثل هالمواقف , وعملية مسح البرامج فيها مختصرة على تشغيل الملف التنفيذي اللي يجي مع البرنامج ووظيفته مسح البرنامج
مبرمجين البرامج ما اغفلوا هالنقطة وسووا برامج وظيفتها إنها تمسح هالبرامج عن بكرة أبيها
طبعاً أنا اليوم بجيب لكم أحد البرامج اللي عجبتني واللي احسه خفيف وبشرح كيف أنا إستخدمته
وكل واحد يقدر يتفلسف فيه ويجرب براحته
انا من الناس الملاقيف اللي يحبون يجربون حتى لو اجيب العيد بجهازي اهم شي جربت شي جديد , وكل غلطة بتعلومة على ماقالوا
البرنامج إسمه
Revo uninstaller
البرنامج FreeWare مجاني وليس القصد من وراه الربح
كما إنه Portable يعني مايحتاج تسوي له تنصيف, تقدر تحطه بالفلاش ميموري حقك وتستخدمه بأي جهاز
رابط موقع البرنامج هو:
http://www.revouninstaller.com/
رابط تحميل البرنامج : إضغط هنا http://www.revouninstaller.com/download/revosetup.exe
بتد تحميل البرنامج تفكون الضغط طبعاً وبيطلع لكم التالي , واللي يهمنا بالموضوع هو المحدد بالأحمر
(صورة)
هذي واجهة البرنامج
(صورة)
إذا كان جهازكم وندوز , قد يطلب منكم البرنامج إعطاءه صلاحيات ( عطوه عطوووه لا تردونه خلوه يتدلع )
طبعاً أنا حددت أحد البرامج بشيله من جهازي علشان أمشي معاكم بالخطوات البسيطة حقت البرنامج
حددت البرنامج من تحت زي ماهو واضح بالصورة
وبضغط الزر اللي محدد بالأحمر فوق Uninstall
بعد الضغط عالزر بيطلع لنا التالي:
(صورة)
ياعيني عالأدب
البرنامج يستأذن, يقول صحيح طال عمرك ؟ ودك تمسح هالبرنامج ؟
قول له يس يور هاينس
بيطلع لكم زي اللي بالصورة هذي
(صورة)
أنا شخصياً اختار اللي بالأحمر
الخيار الأول يقول لك نمسح البرنامج عن طريق الملف التنفيذي اللي معاه (يعني بالعربي زي مايمسحه الوندوز مسح طبيعي , ماستفدنا شي)
الخيار الثاني يقول يشغل الملف التنفيذي العادي اللي بالخيار الأول بالإضافة للتشييك عالرجستري والملفات الملحقة اللي تبقى بعد البرنامج (الوضع السريع)
الخيار الثالث يقول يشغل الملف التنفيذي العادي اللي بالخيار الأول بالإضافة للتشييك عالرجستري والملفات الملحقة اللي تبقى بعد البرنامج بشكل مكثف (الوضع أبطأ شوي , بس صراحة مالاحظت بطء)
الخيار الرابع يقول يمسح البرنامج بأقصى وأقوى شي بالعالم, وهو أبطأ شي , ماجربته , تقدرون تجربونه إنتم
طيب اخترنا الثالث وطقينا نكست
بيطلع لنا كذا
(صورة)
هذي أول خطوة اللي هي بيشغل لك الملف التنفيذي العادي اللي يمسح البرنامج بشكل عادي, طبعاً طقوا يس وكملوا الخطوات بشكل طبيعي كأنكم تمسحونه من وندوز
بعد ماتنتهون طقوا نكست بيطلع كذا:
(صورة)
لما يخلص طقوا نكست زي اللي بالصورة السابقة
الآن بيجيب لكم سجلات الرجستري الناشبة: سووا مثل اللي بالصورة بالضبط
طقوا Select All , بعدين Delete بعدين بيسألكم متأكدين طقوا yes بعدين Next
(صورة)
بعد هالخطوة ممكن يجيب لكم الملفات إن كان باقي ملفات بالجهاز
سووا مثل الخطوة السابقة
في الأخير بيطلع لكم كذا
(صورة)
طقوا Finish وإنتهينا
أتمنى إنه نفعكم

الكثير من مستخدمين وندوز واللي لهم خبرة أو يحبون تركيب البرامج ومسحها بشكل دوري يعانون من بعض المشاكل عند إزالة بعض البرامج , فيه بعضها يدبل التسبد ولا يطلع من الجهاز ,, يبقى بعض المدخلات بالريجستري Registry ويبقى بعض الملفات والمجلدات داخل ال program files ومجلد الـ system, بإختصار : بعضها نشبة

أداة تركيب ومسح البرامج من وندوز طبعاً هي العلة, ماتعرف تتعامل مع مثل هالمواقف , وعملية مسح البرامج فيها مختصرة على تشغيل الملف التنفيذي اللي يجي مع البرنامج ووظيفته مسح البرنامج

مبرمجين البرامج ما اغفلوا هالنقطة وسووا برامج وظيفتها إنها تمسح هالبرامج عن بكرة أبيها

طبعاً أنا اليوم بجيب لكم أحد البرامج اللي عجبتني واللي احسه خفيف وبشرح كيف أنا إستخدمته

وكل واحد يقدر يتفلسف فيه ويجرب براحته

انا من الناس الملاقيف اللي يحبون يجربون حتى لو اجيب العيد بجهازي اهم شي جربت شي جديد , وكل غلطة بتعلومة على ماقالوا

البرنامج إسمه

Revo uninstaller

البرنامج FreeWare مجاني وليس القصد من وراه الربح

كما إنه Portable يعني مايحتاج تسوي له تنصيف, تقدر تحطه بالفلاش ميموري حقك وتستخدمه بأي جهاز

رابط موقع البرنامج هو:

http://www.revouninstaller.com/

رابط تحميل البرنامج : إضغط هنا

بعد تحميل البرنامج تفكون الضغط طبعاً وبيطلع لكم التالي , واللي يهمنا بالموضوع هو المحدد بالأحمر

revo2

هذي واجهة البرنامج

revo3

إذا كان جهازكم وندوز , قد يطلب منكم البرنامج إعطاءه صلاحيات ( عطوه عطوووه لا تردونه خلوه يتدلع )

طبعاً أنا حددت أحد البرامج بشيله من جهازي علشان أمشي معاكم بالخطوات البسيطة حقت البرنامج

حددت البرنامج من تحت زي ماهو واضح بالصورة

وبضغط الزر اللي محدد بالأحمر فوق Uninstall

بعد الضغط عالزر بيطلع لنا التالي:

revo4

ياعيني عالأدب

البرنامج يستأذن, يقول صحيح طال عمرك ؟ ودك تمسح هالبرنامج ؟

قول له يس يور هاينس

بيطلع لكم زي اللي بالصورة هذي

revo5

أنا شخصياً اختار اللي بالأحمر

  1. الخيار الأول يقول لك نمسح البرنامج عن طريق الملف التنفيذي اللي معاه (يعني بالعربي زي مايمسحه الوندوز مسح طبيعي , ماستفدنا شي)
  2. الخيار الثاني يقول يشغل الملف التنفيذي العادي اللي بالخيار الأول بالإضافة للتشييك عالرجستري والملفات الملحقة اللي تبقى بعد البرنامج (الوضع السريع)
  3. الخيار الثالث يقول يشغل الملف التنفيذي العادي اللي بالخيار الأول بالإضافة للتشييك عالرجستري والملفات الملحقة اللي تبقى بعد البرنامج بشكل مكثف (الوضع أبطأ شوي , بس صراحة مالاحظت بطء)
  4. الخيار الرابع يقول يمسح البرنامج بأقصى وأقوى شي بالعالم, وهو أبطأ شي , ماجربته , تقدرون تجربونه إنتم

طيب اخترنا الثالث وطقينا نكست

بيطلع لنا كذا

revo6

هذي أول خطوة اللي هي بيشغل لك الملف التنفيذي العادي اللي يمسح البرنامج بشكل عادي, طبعاً طقوا يس وكملوا الخطوات بشكل طبيعي كأنكم تمسحونه من وندوز

بعد ماتنتهون طقوا نكست بيطلع كذا:

revo7

لما يخلص طقوا نكست زي اللي بالصورة السابقة

الآن بيجيب لكم سجلات الرجستري الناشبة: سووا مثل اللي بالصورة بالضبط

طقوا Select All , بعدين Delete بعدين بيسألكم متأكدين طقوا yes بعدين Next

revo8

بعد هالخطوة ممكن يجيب لكم الملفات إن كان باقي ملفات بالجهاز

سووا مثل الخطوة السابقة

في الأخير بيطلع لكم كذا

revo9

طقوا Finish وإنتهينا

أتمنى إنه نفعكم

تشاو

7 comments

  1. Mo9a7i · أغسطس 28, 2009

    كفو

  2. tota · أغسطس 28, 2009

    ابشرك 😉 حملته وفي صدد العمل به

  3. tota · أغسطس 28, 2009

    اهاااااااااااا … والله افددددددتني مررره
    شكرآآآآ من اعمآآق القللب

  4. Mo9a7i · أغسطس 28, 2009

    والله يا توتا انا اشوف البرنامج هذا مهم وجوده عندك بفلاش ميموري أو عالجهاز منزل
    طبعاً البرنامج زي ماهو مذكور , مايحتاج له تركيب ,, تقدرين تحطينه بسي دي لو بغيتي تستخدمينه تشغلينه مباشرة من أي مكان هو فيه

    المسح من الوندوز
    أنا مثلاً ك مبرمج برنامج
    لما المستخدم يبغى يمسح البرنامج حقي , ماراح اسمح له يمسح كل شي ,, بخلي بعض الشغلات بالجهاز ,, علشان لما يجي يركب برنامجي بالمستقبل أدري إنه قد إستخدم هالبرنامج من قبل
    (هذا أحد الأمثلة)
    المهم
    ف المطلوب بالوندوز لما واحد يسوي برنامج
    إنه يسوي برضه معاه برنامج ثاني حق لو بغى الشخص يمسح البرنامج الأساسي
    يعني يسوي البرنامج اللي يشتغل العادي وال uninstall حقه

    طبعاً انا المبرمج لي حرية الإختيار , هذا ال uninstall وش يمسح ووش يخلي

    ف لما تشغلينه عن طريق ال control panel
    وتقولين ابي امسح هالبرنامج
    بيشتغل ملف ال uninstall هذا
    ويمسح الشغلات فقط اللي انا محددها ويخلي بعضها

    لكن مع إستخدام هذا البرنامج Revo
    اول حاجة بيسويها إنه بيشغل ال uninstall العادي اللي بيخلي بعض البقايا
    بعدها بيفحص الجهاز ويبحث عن البقايا
    ويمسحها
    😉

    ويصير مسحتي البرنامج بالكامل

    من المشاكل اللي تتسبب فيها هالبقايا أحيانا
    بطء بالجهاز
    إرسال معلومات للمبرمج وإحنا مو راضين ولا ندري عنها
    مشاكل بالتركيب للبرامج مرة أخرى
    مشاكل بالوندوز نفسه أحياناً

    ف أكيد إنه مفيد

  5. tota · أغسطس 28, 2009

    وآآو شكله برنامج فلته <
    بس يعني البرنامج يستحق التحميل ^^" ؟
    لأن عندي كوم برامج بايخه ..
    بس انا اروح ع لوحة التحكم مره ايزي
    وش الفرق بين الحذف من البرنامج هذا والحذف من لوحة التحكم"control panel" ؟

  6. Mo9a7i · أغسطس 28, 2009

    الروعة مرورك ومرورك مو شي عادي 🙂

  7. [ Shai 3ady ~ · أغسطس 28, 2009

    من جد روعه , تسسلم يدّك يـآلغلـآ ^^