Gravatar | تبي صورتك تطلع بالمدونات وانت ترد؟

اليوم طايح لكم على موقع, الله يخسهم الأجانب مسوينه وطايحين فيه من زماان وحنا طبعاً مايهمنا غير فيسبوك ونتلوق ويوتيوب.
الموقع طبعاً طلع مع طلعة الـ Web 2 , < إذا ما تعرفون وشهو عادي كملوا, أنا نص كلامي ماينفهم أصلاً بس أقوله anyway.

Gravatar Logo

ودك ترد بالمدونات وتسولف وتعلق مع الناس ولا ودك تبتلش وكل مرة تسوي لك بروفايل بكل مدونة؟
أغلب المدونات تقبل التعليقات من الزوار,
الحين المشكلة أنت زائر, كيف تطلع صورتك؟

نظام المدونات, لما تكتب إسمك في التعليق وإيميلك,
يروح أول شي يبحث في موقع إسمه http://www.gravatar.com عن صورة للشخص صاحب الإيميل الفلاني.
هل فلان مسجل عندكم ؟ إذا لا , مايحط لك صورة
إذا إيه, يجيب صورتك ويحطها بالمدونة مع ردك

سجلوا بالموقع هذا,
بيقول أضف إيميلك , لما تضيفه تحتاج تفعله, تجيك رسالة على إيميلك للتأكيد
أكد الإيميل,
وتقدر تضيف إيميل ثاني, بنفس الحساب مايحتاج تسجل حساب جديد
ضيف إيميلاتك كلها
بحيث إنه وين مارحت أي إيميل تحطه, بتطلع صورتك مع الرد
وتقدر ترفع صور مختلفة وتحط لكل إيميل صورة وانت ماشي.

أتمنى إن هالمعلومة تفيد أحد بيوم من الأيام

ويالله برا انت وياه دوروا لكم مدونة ثانية وفرفرة إنترنتية ممتعة

2 comments

  1. asma · يوليو 18, 2010

    يعطيك العافية، بس أعتقد هو نفسه البيانات اللي نحطها بـالـ وورد برس

    مشكور مجدداً

    و راقني تصفح مدونتك اللطيفة

    • Mo9a7i · يوليو 18, 2010

      اهلين اسما
      شرفني مرورك
      مافهمت قصدك بالبيانات اللي نحطها بالووردبريس
      الموقع يتطلب تسجيل عضوية جديدة ومن خلال هالعضوية تضيفين ايميلاتك كلها وتحطين لك صورة شخصيه