إرهاق..!

أتمنى تمر فترة طوييييييييييلة بحياتي بدون مناسبات وبدون التزامات وبدون مجاملات ورسميات.
فترة أكون فيها بلحالي, أسوي اللي أبي, أروح وين ما أبي, ماحد يتضايق ولا يزعل ولا ينقد مني أو علي.

كأني مسوي للدنيا إيقاف (Pause), واتمشى فيها براحتي, مابي أسرق ولا ابي اسوي شي مخالف للطبيعة يعني أنتهز الفرصة ان الدنيا موقفه واروح اقلب ملابس واحد أو أشيل شخص نايم واحطه فوق عمارة عشان لما أفك ال pause ينهبل أو أي شي من هالقبيل خخخخخخخخخخ.. بس كل اللي أبيه إنه يكون عندي وقت كافي أسوي اللي أبي بدون ما أشيل هم أحد.

انا مثل السعودية, الكل عايز مني حتة :$ ههههههههههه اموت يامهم انت, مو سالفة مهم بس طبيعي كل إنسان كذا لكن أنا احس إن عندي زحمة من هالناحية.. لازم ارضي ناس كثير,, ولازم عشان ارضي بعض الناس اضحي بناس ثانية.. ماحس إني ملحق أسوي شي.. وهذي لها إسم بعلم الإدارة والموارد البشرية وهالسوالف, Burn out اتوقع ؟ احس موصل مرحلة الـ social burn out في حياتي الطبيعية..

4 comments

  1. hamms · أغسطس 19, 2011

    الله يكون بعونك . . في الحقيقة ماني متخيله هالوضع لأن حياتي عكسك ماحد باغي فايدة مني ,
    لكن أكيد صعب تتعب لأنك منحرج ترد آحد تعرفه , فـ احتسب إحسانك

    • Mo9a7i · أغسطس 19, 2011

      يكون بعون الجميع :p جربي نامي يومين وشوفي مين اللي يسوي لك زحمة إطلعي إطلعي, هذولا الناس اللي يبونك…

      ((خوفي تنامين يومين وماحد يدري عنك ههههههه))

  2. Soulja · أغسطس 19, 2011

    صدقت

    طبعا تستغرب تواجدي هنا.. تقول وش هالفضاوة!
    لأول مرة من قرابة السنتين.. اصير في ويك اند مو مرتبط مع احد..شعور حرية جميل.
    ياخي المؤسف لما تقول ودي اجلس مع نفسي.. ولا الف بسيارتي بروحي.. يقولون لك انت نفسية!
    اموت وأعرف.. الناس اللي تبي منك حتة على قولتك.. فاضين؟ ماحد يبي منهم حتة؟ ولا بس انت اللي الكل يبي منه حتة وهم ماحد يبي منهم شي!
    أو لهالدرجة انا مهم اللي الناس كلها تبي تطلع معاي وتقهويني؟ مالظاهر!

    تدري اني أحبك صح؟

    • Mo9a7i · أغسطس 19, 2011

      هههههههههه اي والله ياخي انت مشكلة وقتك, دايم تكون في ميتنقين في نفس الوقت