التسجيل بحروف عربية في مدونات وورد بريس

السلام عليكم إيفري بدي (<<<متعود برزنتيشنات)

المهم, بخش في أصلاب أسلاف الموضوع,

من أهم المشاكل اللي تواجه أصحاب المدونات العربية هي أنهم مايقدرون يسمحون لزوارهم بالتسجيل بحروف عربية.

لو حب أحد الزوار إنه يسجل بالموقع ويشارك, لازم يختار إسم إنقليزي عشان يقدر يسجل ويسولف بالموقع, (هالشي خايس جداً ويقلل من عدد المقبلين على التسجيل أحيانا).

عالعموم, إضطريت قبل فترة أبحث عن حل, بحثت بقوقل وحصلت حلول مختلفة لكن بعد تفحيط دام ساعات, لأن النتايج ماجات أول شي في قوقل.

ولاحظت شي ثاني, إن مدونتي دايم نتايجها السخيفة أحيانا تطلع بقوقل أول شي, ف قلت خلني احط موضوع يمكن يفيد أحد باحد الأيام.

http://www.ar-wp.com/t2986-2.html#post109007 هذا عنوان مشاركة لي في موقع الوورد بريس العربي.

فيه إضافة, بإمكان الواحد إضافتها للوردبريس حقه وتفعيلها, وبكل بساطة راح تسمح للناس يسجلون بالعربي, سواء بالوورد بريس أو البي بي بريس (برنامج المنتديات اللي من شركة ووردبريس)

أتمنى هالمشاركة تنفع أحد بأحد الأيام.

تحياتي

موصاحي

One comment

  1. إعجابي وتقديري لك كبير أدعو ربي أن لا يحرمنا من هذه المواضيع المفيدة التي تثري الساحة العربية والمجتمع استضافة المواقع