تم بحمد الله ونعمته إفتتاح تصنيف جديد في موقع موصاحي للمواضيع المخصصة لمكافحة شركة الإمتصاصات والإنفصالات السعودية
الشركة التي لطالما عبثت في أبواكنا وعاثت في حساباتنا البنكية ولعنت خامس أبو جدنا بالإنقطاعات في جميع خدماتها
لاتلفون يستمر بمكالمة مثل الأوادم
لا دي إس إل يعطيك السرعة المطلوبة والمدة المطلوبة
ولا خدمات تستمر معاك
الواحد يدفع رسوم 500 ريال في خدمة
ولما ينفصل جواله بسبب الحد الإئتماني اللي هو يعتبر خدمة ثانية , يفصلون عنه كل الخدمات
انا اقصد خدمة مفقود (اللي هي موجود)ـ اللي الواحد يحطها عشان يستفيد منها وثاني يوم إذا إنقطع جواله حد إئتماني طفوا عنه الخدمة
طيب ؟
شقول ووش اخلي
هالتدوينه لأصحاب السيرفرات واللي يحبون يلعبون بال settings ويتعلمون حاجات جديدة بعالم إدارة السيرفرات اللي مازلت وسوف أظل داج فيه مهما سويت.
ملاحظة: إذا ماكنت تحب كثرة الكلام والهرج والمرج, إنزل تحت لين تحصل السطر الأحمر الكبير
كنت شغال على project صغيرون كذا علشان أسوي نسخ إحتياطي خارجي لعملائي بشكل آلي بدون ما أقعد كل مرة أدخل السيرفر وأطلب منه إنه ياخذ نسخة خارجية
كانت الخطة اللي فكرت فيها هي التالي:
يكون عندي أول شي سيرفر خارجي,
هذا السيرفر الخارجي, يكون محمي بشكل خرافي وإسكندنافي بحيث مايكون فيه ولا أي باب مفتوح, بس يكون فيه دريشة (نافذة) وعليها قفل عجايز مع أعتى التقنيات الجديدة في الحماية كبصمة اليد والعين ورقم سري.
بالعربي مركب عليها بوابة خزنة بنك على الدريشة وفقط ادخل من الدريشة واطلع ,
المهم هذا السيرفر كنت أحتاجه يشبك FTP بالسيرفرات اللي عندي
ولما يدخل FTP يفتح له الروت دايركتوري أو عالأقل الباك اب دايركتوري /backup مثلا
طيب كيف أسوي كذا ؟
لازم أنشيء حساب بالسيرفر طبعاً , وأنا استخدم لوحة تحكم cPanel وطبيعي أول ما أنشئ حساب بإسم backupu مثلاً السي بنل راح يعطيه ال home directory بالشكل هذا
/home/backupu
طيب كيف نغير هالسالفة؟
بحثت صراحة كثير وحاولت أغير هالشغلة من ملف passwd لكن مامشي الحال اكتشفت كذا بالصدفة وعن طريق الخطأ جاني إلهام وقال لي ياموصاحي, ترا إنت قاعد تعدل بالمكان الخطأ ,, لازم تغير الهوم دايركتوري من إعدادات ال FTP
طبعاً أنا برنامج الإف تي بي على سيرفري هو pure-ftpd
إختراع جديد يخلي الإنترنت يصير الحاسة السادسة للإنسان
مخترعها هندي كان يغسل سيارات الطلاب بمبنى 24 بجامعة MIT
طبعاً الهندي هناك ذكي مرة أذكى من أي دكتور عندنا بأطلق جامعة عربية
المهم
هذا فديو يوتيوبي لإعلان عن الإختراع وتحت الفديو إختصار شاللي صار
طبعاً هالجهاز عبارة عن ثلاث قطع
كاميرا
جوال
وبروجيكتر (معراض الأضواء الطيفي <<< بالله لا تترجم كلمات)ـ
في بداية المقطع فيه امريكية قاعدة تبربر بالإنقليزي
طنشوها لا تسمعون كلامها لين تخلص وتشغل الفديو وراها
المهم
أول لقطة
جابت أجزاء الجهاز
كاميرا
جوال
بروجكتر
ومراية حق البروجكتر
وهذي الحاجات اللي تشوفونها بالأصابع
بعدين صورة الهندي اللي يغسل السيارات بمبنى 24 اللي إخترع الجهاز
قاعد يرسم على جدار,
صحيح إنه مايعرف يرسم ,, بس فلة قسم بالله ,, تخيل شكلك تتمشى بالراشد وقاعد ترسم على الناس اللي قدامك ,, أطلق العنان لخيالك في هالمواضيع لووول
بعدها الهندي قاعد يعرض خريطة عالجدار ويكبرها ويصغرها ويهايط علينا علشاننا دلوخ مانقدر نسوي جهاز زيه
بعدها قاعد يورينا إنه يقدر يصور أي شي بيده
بدون كاميرا بدون بطيخ
يسوي بيده مربع بعدين يصور
حمدلله والشكر حمدلله والشكر
بعدها راح جدار وقعد يتفرج بالصور حقته
بعدها خلى يده تنقلب جوال يطقطق بيده ويطق كول ,,
ذكرني بنكته المحشش اللي مقابل ياباني ,, لقى الياباني حاط إصبع بإذنه وإصبع عند فمه وقاعد يتكلم ,, قال له وش تسوي ؟ قال عندنا تكنلوجيا نحط الجوال بالدورة الدموية … بعدها قام يرتجف المحشش ,, قال له الياباني شفيك ؟؟ قال ابد , جاني فاكس
المهم
اللقطة اللي بعدها راح السوق ,, ومسك علبة مناديل وطلعه له عليها علامات ,, تقول له هالشي يناسبك ولا مايناسبك ,,, عندك حساسية ضده ولا مافيه شي ,, تقدر تستخدمه ولا لا
بعدها في المكتبة ,, مسك كتاب وقعد يطالع فيه ,, وإنرسم على الكتاب 5 نجوم , تقييم أمازون لهالكتاب
وكل مافتح صفحة طلع له رأي النقاد بهالكلام ,,
بعدها فتح جريدة وقعد يشوف الخبر متحرك (فديو)
عاد اللي بعدها أطلق شي بالدنيا
وقف قدام واحد وطلع له على جسم هالواحد إسمه ووظيفته ومعلومات عنه وشغلات زي كذا
هذي تفك الواحد من زنقات مال أمها داعي
لما يجي بيعرف إثنين من أخوياه على بعض وهو مايعرف أساميهم أو ناسيها ,, يلعن ام الوهقة ,, ماتمرون بهالموقع دايماً ؟
وتيتي تيتي مثل مارحتي جيتي وهذي كل السالفة والخدامة حالفة وماطار إلا إرتفع واللي صقع بابك على درب الشقا يستاهله
بحيث مايكون فيه ولا أي باب مفتوح, بس يكون فيه دريشة (نافذة) وعليها قفل عجايز مع أعتى التقنيات الجديدة في الحماية كبصمة اليد والعين ورقم سري.
