تحشيشة

طويلة هي تلك اللحظات التي نقضيها في إنتظار الأشياء أن تحصل
بدل أن نستثمر اوقاتنا لنسعى في تحقيق أشياءنا الأخرى أو أشياء الآخرين.

سريع هو الوقت في مجمله قبل وقوع الكارثة والمصيبة, وقصير هو عندما ننظر له من خلفنا.
فعندما تعلم بأن مصيبةً أو أمراً غير سار سيحصل, لايمكنك عد الثواني لإنتظار حصوله.

هو المجهول مايطيل الوقت, وعندما نعلمه, نرسم له الأعذار في التأخير والإطالة.
والغالي طبعه غالي, والزين يفرض نفسه

إرهاق..!

أتمنى تمر فترة طوييييييييييلة بحياتي بدون مناسبات وبدون التزامات وبدون مجاملات ورسميات.
فترة أكون فيها بلحالي, أسوي اللي أبي, أروح وين ما أبي, ماحد يتضايق ولا يزعل ولا ينقد مني أو علي.

كأني مسوي للدنيا إيقاف (Pause), واتمشى فيها براحتي, مابي أسرق ولا ابي اسوي شي مخالف للطبيعة يعني أنتهز الفرصة ان الدنيا موقفه واروح اقلب ملابس واحد أو أشيل شخص نايم واحطه فوق عمارة عشان لما أفك ال pause ينهبل أو أي شي من هالقبيل خخخخخخخخخخ.. بس كل اللي أبيه إنه يكون عندي وقت كافي أسوي اللي أبي بدون ما أشيل هم أحد.

انا مثل السعودية, الكل عايز مني حتة :$ ههههههههههه اموت يامهم انت, مو سالفة مهم بس طبيعي كل إنسان كذا لكن أنا احس إن عندي زحمة من هالناحية.. لازم ارضي ناس كثير,, ولازم عشان ارضي بعض الناس اضحي بناس ثانية.. ماحس إني ملحق أسوي شي.. وهذي لها إسم بعلم الإدارة والموارد البشرية وهالسوالف, Burn out اتوقع ؟ احس موصل مرحلة الـ social burn out في حياتي الطبيعية..